Kujataa: Nerisassat nunatsinneersut nerisassat pillugit festivalimi sammineqassasut
- Nioqqutissanik nunatsinneersunik sapinngisamik atuissaagut aammalu piorsarsimassuserput ilitsoqqussagullu atatiinnarlugit. Tamanna nerisassanut tunngatillugu nuna nammineq pilersortutut siunissami ingerlalernissamut aqqutissatuaavoq, Inunnguaq Hegelund oqarpoq.
Nanortalik - 25. og 26. aggusti
Narsaq - 1. og 2. septembari
Qaqortoq - 8. og 9. septembari
AAMMA ATUARUK Kalaalimerngit utoqqaat inuuneranni naleqartitsisut
Imminullu pilersorneq nerisassat pillugit Kujataani festivalernermi qitiussaaq. Nioqqutissat nunatsinneersut ajornannginnerusumik pissarsiarineqarsinnaallutillu amerlanerulersinneqarnissaat, tamaani susassaqartut suleqatigalugit festivalimi anguniagaavoq.
Sutorniartarfiutillit nioqqutissanik nunanit allaneersunik eqqussuisariaqannginnerat festivalimi takutinniarneqarpoq, nioqqutissammi nunatsinneersut tamatigoortuupput, nunalu tamakkerlugu atorneqarsinnaallutik.
- Nioqqutissiortut festivali aqqutigalugu ajornannginnerusumik tunisassiulersinnaanissaat neriuutaavoq, Kommune Kujallermilu aallunneqarnerulernissaat neriuutaalluni, nunattalumi aamma sinnerani. Kujataani nerisassat pillugit festivalimik aaqqissuisut oqarput.
Igasa Food Festival Greenlandip facebookimi quppernerani festivali pillugu annertunerusumik atuagaqarsinnaavutit.
AAMMA ATUARUK Grønlandsk mad er en mangelvare på spisesteder
AAMMA ATUARUK Kalaalimernit suaasaannaanatillu panertuinnaanngillat
