Neriniartarfimmik ammaasoq: Neriniartarfinni kalaalimernit amigaataajuarsimapput

Neriniartarfimmi Kalaaliaqqami tallimanngornermi ulloqeqqanut sassaalliutigineqartut tassaapput pujuukkat, panertut mattaallu.

AAMMA ATUARUK Kalaallit nerisassaannik nioqqutissanillu nunatsinneersunik neriniartarfiliulersoq

Nunatsinni, nerisassiat nunanit allaneersut uuliamilu qalannikuinnaat sassaalliutigiinnarnagit, kalaallit nerisassaannik neriniartarfeqartariaqartugut, neriniartarfimmi iggarissorsuaq Inunnguaq Hegelund oqarpoq.

- Nunatsinni neriniartarfinni sutorniartarfinnilu kalaalimernit ukiuni arlalinngortuni piumasarinikuuakka.

Nerisassiat nutaaliaasut

Neriniartarfiugallartumi kalaallit nerisassiarpassui, soorlu suaasat panertullu, nerineqarsinnaapput, aammali uillut, eqqusat immallu naasui nerisassiarineqartassapput.

- Nerisassat kingulliit tikiliivissapput. Aqqutit tamaasa atornikuuagut; qamuteralaat, qulimiguulik, timmisartoq, umiatsiat allaat aqqartartumik immap naqqanut aallertussamik pissarsinikuuvunga.

Neriniartarfik Kalaaliaraq Nuummi Takussimi marsip aappaanit apriilip tungaanut ammagallassaaq.

Nuannersumillu misigisaqarfiunissaa igasut neriuutigaat:

- Nuannisarnissaq mamarsartitsinissarlu pingaarnerpaapput, iggarissorsuaq Inunnguaq Hegelund oqarpoq.