Olafur Eliasson: Sermiminersuit silap pissusiata allanngoriartornera pillugu paasissutissiipput
Københavnimi suut tamarmik aallartipput, Olafur Eliassonip professor Minik Rosing tassani silap pissusaa pillugu ataatsimeersuartoqartillugu naapimmagu. Taava isumassarsivoq.
- Arlaannik iliuuseqassasugut tassunga siunnersuuteqarpunga. Silap pisusia pillugu isumaqatigiissut immaqa biibili allanneqarmalli pappiliani pingaarnerpaavoq! Uanga nammineq Islandimiit sermimik suliaqarnikuuvunga, Minillu oqarpoq: Kalaallit Nunaaniit sermiminersuarnik pissarsisinnaasunik ilisarisimasaqarpunga! Torrak, qaami pissarsiniarta, taava Rådhuspladsimut inississavagut. Taava inuit assamminnik namminneq attorsinnaassavaat Kalaallit Nunaat malugalugu, Kalaallit Nunaallu taamaalillutik pakkuttuusillugu, Olafur Eliasson oqarpoq.
AAMMA ATUARUK Londonimi sermit saqqummersinneqartut aakkiartortut
Sermiminernik 2014-imi Rådhuspladsimiisitseriarlutik, Olafur Eliassonip, Minik Rosingip Kuupik Kleistip Pariisimi COP21-qarnerani iliuusertik nangippaat.
FN-imit kaammattuinikkut taamaaliorput, tassannganniit nunarsuup kianneruleriartornerata nunatsinni sermimik takutinnissaa isumassarsiatsialaagimmassuk. Londonimilu manna taamalioqqipput.
AAMMA ATUARUK 100 tons isskosser til Paris
- Londonimi inuit silap pissusia pillugu ataatsimiittoqartoq nalunngilaat, sunaliuna oqaluuserigaat? Ilisimatuut Kalaallit Nunaat, sermersuaq taassumalu aakkiartornera oqallisigiinnavippaat. Kalaallit Nunaata sermia qanoq isikkoqarpa? Aamma pinngortitaq qanoq qajannartigaa? Sermimerngit Londonip aqqusernaniittut taamaalillutik Kalaallit Nunaata aallartitaaraattut ipput, Olafur Eliasson isumaqarpoq.
Inuillu nunatta sermianik inuit takunninnermikkut, nunarsuup kianneruleriartorneranut iliuuseqarnissamik isumataartissinnaagai, Olafur Eliasson isumaqarpoq.
AAMMA ATUARUK Sermersuaq aatsaat taamak aakkiartortigaaq
- Suliniut silap pissiata allanngoriartornera pillugu oqallinnermut uanga akuliunnittut isigaara. Inuit namminneerlutik silap pissusia ilumoorutilersinnaappassuk. Politikkerit sunik tamanik aaqqiissutissatut naatsorsuutigiinnarnagit. Inuiaqatigiinni inooqataasutut suunngitsunnguamik iliuuseqarsinaagutta. Politikkerinut piumasaqarsinnaagutta, nammineerlutalu silap pissusia pillugu iliuuseqalarluta. Londonimi suliniupput taamaaliornissamut iluaqutaasinnaassasoraara, Olafur Eliasson oqarpoq.
