Mittarfiliornerit: Kineserit aarleqqutigigaat

Nutaarsiassaqartitsivik Finans.dk taama allappoq.

Mittarfiliornissamut piumasaqaatinut naammassinnittut danskit suliffeqarfiutaat Munck Gruppern Per Aarsleff A/S-illu unammillertertik kineserit suliffeqarfiutaat China Communications Construction Company (CCCC) isornartorsiorpaat.

AAMMA ATUARUK Mittarfiliornissamut sanaartortussat toqqarneqartut 

- Unammilleqatigiinnerput naligiissinnaanersoq nangaassutigaarput. Takusareerparpummi taamaattoqanngitsoq, soorlu assersuutigalugu Afrikami, Per Aarsleffimi pisortaaneq Ebbe M. Iversen oqarpoq.

Mittarfiliortiternissamut 3,6 milliardinik naleqartunut Namminersorlutik Oqartussat suliffeqarfiit arfinillit piumasaqaatinut naammassinnissinnaanerarlugit akuersissutigereerpaat. 

AAMMA ATUARUK Kinamiut sanaartornissamut neqerooruteqarnerannut danskit akuliukkumasimanngillat

Silaannakkut angallannermut suliassaqarfik Kalallit Nunaannit akisussaaffigineqarpoq, Danskilli naalagaaffiata nunanut allanut sillimaniarnermut politikkit suli akisussaaffigaa.

Mittarfissualiornissamut oqallinnermut qineqqusaartoqarnerani tunuarsimaarlutik nunanut allanut ministerip Anders Samuelsenip nalunaarutigereernikuuaa.

AAMMA ATUARUK Mittarfiliortiternerit pillugit misissueqqissaarineq nutaaq saqqummiunneqartoq

Naalakkersuisoqatigiilli tapersersortiisa Dansk Folkepartiimi siulittaasup tulliata Søren Espersenip kineserit suliffeqarfiat CCCC unitsinneqartariaqarsoraa.

- Amerikamit akuliuffigineqartinnagu unitsinneqarniarli, Finans.dk taanna oqarpoq.