Mittarfiliortiternerit pillugit misissueqqissaarineq nutaaq saqqummiunneqartoq

Mittarfiliortiternerup nunatta karsianut kingunerisassaanik misissueqqissaarinerup immikkoortua siulleq KNR-ip allagaatinik takunnikkumanermigut sapaatit akunneri marluk matuma siorna pissarsiaraa.

Misissueqqissaarineq tusagassiorfinnit arlalinnit, ilaatigut KNR-imit, allagaatinik takunnikkumalluni noqqaassutigineqareersoq, naalakkersuisoqarfiup misissueqqissaarinerup innuttaasunut soqutiginaateqarnera nalilereerlugu saqqummiuppaa.

Misissueqqissaarinerlu siulleq assingalugu, kisitsisit pingaarutillit isertuunneqarput, Kalaallit Airportsip taarsigassarsititsisinnaasunut isumaqatigiinniarnissamut periarfissai innersuussutigineqarlutik.

AAMMA ATUARUK Kangerlussuaq Narsarsuarlu misissuinermi nutaami qumariartorput

Misissueqqissaarinerup immikkoortuata aappaa inuiaqatigiinnut aningaasatigut kingunerisassat siammasinnerusumik misissoqqissaarneqarnerinik imaqarpoq.

Ilaatigut nunatsinni mittarfeqarnikkut aaqqissuussaaneq tamarmiusoq sammineqarpoq, immikkoortumi siullermi mittarfiit Kalaallit Airportsip ataaniittut kisiisa sammineqarlutik.

Nalunaarusiaq uani atuarneqarsinnaavoq.

AAMMA ATUARUK Mittarfittaassat 165 millioninik sipaaruteqartitsissasut

AAMMA ATUARUK Mittarfeqarfiit er udelukket fra nye lufthavne