KAK-p pissartanngorniuunnissaq Sisimiunit nuutsittariaqaraa
Isikkammik arsaalluni pissartanngorniuunnissaq Sisimiuni ingerlanneqanngiinnassasoq, KAK paasissutissiivoq.
![](/sites/default/files/styles/image_934x467/public/article_images/dscn1021.jpg?itok=gCNpLLDv)
Allattoq Kenneth Elkjær
Pissartanngorniuunnerit Nuummi ingerlanneqaannassapput. Arsartartut kattuffiat, KAK naapertorlugu Sisimiuni arsaattarfiup sapaatip akunnera 33-utinnagu ivigaaraasalersornissaata naammassisinnaannginnera allannguuteqarnermut pissutaavoq.
Arsaattarfiup ivigaaraasalersornissaa aggustip aallartinnerani aatsaat aallartinneqassasoq, taamaammallu unammersuaarnissaq nallertinnagu arsaattarfik piareersinnaanngitsoq, Qeqqata Kommuniata arsaattartut kattuffiat sapaatip akunnerani matumani nalunaaruteqarfigaa.
- Arsaaffimmik ivigaaraasalersuisussat sakkui kujataaniittut Sisimiunut aggustip tallimanni aatsaat apuutissapput, kattuffik tusagassiuutinut nalunaarummi allappoq.