Juullip inua Nuummut tikippoq

Ileqqoq nuannersoq Juullip inuata Dronning Ingridip napparsimavissuanut juulliaqqami tikittarnera ingerlaqqippoq. Assit takukkit.
Allattoq Noah Mølgaard
decembarip 24-at 2011 10:15

Meerarpassuit meerarpaluttumillu eqqarsartaasillit ikinngitsut Juullip inua Air Greenlandip helikopterianut ilaalluni tikimmat tikilluaqquaat.

Sivikitsumik persileraluarpoq helikopterip qulimiguuisa aput nakkarlaaq tingimmassuk. Sorianngitsorli Juullip inua helikopterimiit niuvoq tikilluaqqusisullu ilassiorlugit ikiortai kukkarnaanik agguaasut.

Juullip inua tamatuma kingorna napparsimmavissuarmi meeqqanut immikkoortumukarpoq uninngasuaqqat juullimi pilluaqqujartorlugit.

Juullip inuata taama tikittarnera taamaatinngujuuleraluarpoq Nuuk Tourism Juullip inuanik ingerlatsisoq akiliisinnaajunnaarmat Juullillu inua Qaasuitsup Kommunianut nuummat.

Peqqissutsimut pitsaaliuinermullu aqutsisoqarfik Juullip inuata tikinneranik aaqqissuisuuvoq Juullillu inuata helikopterimik ingerlannera Air Greenlandip tunissutigaa.