Ullumikkut nalunaaqutaq ataatsimut tanneq qulingiluat Danmarkimi kommunit kalaallit meerartaannik pinngitsaaliissummik arsaarinnissuteqartarnerat pillugu akerliussutsimik takutitseqqittoqassaaq.

Inatsisartut saavanni akerliussutsimik takutitsisoqassaaq, politikerillu suaartarfiginiarlugit inuit allagartanik, allagartarsuarnik, tumerparpaanik nipiminnillu nassaaqqullugit aaqqissuisup Aká Hansenip Facebookikkut kajumissaarpai.

Sermitsiaq.AG naapertorlugu arnaq pinngitsaalineqarluni arsaarneqartoq tassaavoq Ivana Nikoline Brønlund, Høje Tåstrup Kommunemi najugaqartoq.

Danmarkimi kommunit meeqqanut pitsaanerpaajunersoq uppernarsarneqanngikkaluartoq meeqqanik arsaarinnittartut Aká Hansen isumaqarpoq. Ikkussamini taama allappoq.

Aká Hansenip ikkussaa naapertorlugu ullumi Nuummi Inatsisartut ataatsimiittarfiata silataani akerliussutsimik takutitsisoqassaaq, Danmarkimi kommunit meeqqamut pitsaanerpaajuneranik uppernarsaatissaqaratik meeqqanik arsaarinnittarneq pillugu akerliussutsimik takutitsinissaq siunertaralugu.

- Anaananngorlaaq periarfissinneqanngilaq qanoq anaanaalluartigisinnaanermik takutitsinissaminut, taanna ikkussamini allappoq.

- Meeqqagut tuniniagaanngillat, meeqqagut danskit naalagaaffiannit pigineqanngillat, ikkussamini naggasiivoq.

Aatsaat akerliussutsimik takutitsisoqanngitsoq

Meeqqanik pinngitsaaliissummik arsaarinninneq pillugu akerliussutsimik takutitsisoqartareerpoq. 

2024-mi novembarimi Københavnimi Nuummilu akerliussutsimik takutitsisoqarpoq, maannalu akerliussutsimik takutitsisut Inatsisartut saavani ualimut nalunaaqutaq marlup qaangerlugu tanneq pingasut tungaanut naammattoorneqarsinnaapput.