Juullip inua Nuummi akunnermik ataatsimik kinguaattuussasoq
Meeqqat inersimasullu meeqqatulli qilanaartut juullip inua ikiortaalu Dronning Ingridip Napparsimmavissuata silataanut decembarip 24-ani sapaammi pisarneq malillugu aalateriffigiartorsinnaavaat.
Juullip Inua mamartunik mamakujunnillu agguaassissaaq, kingornalu meeqqat inersimasullu napparsimmavissuarmi uninngasut iserfigissavai.
Sankt Nikolaus nuannaarluni qamutilerluni nunarsuaq kaajallallugu qamutiminit poortukkanik agguaasaraluarluni pisarneq malillugu Nuummut qulimiguulimmik tikissaaq.
Kisianni nalinginnaanngitsoqarpoq. Juullimmi inua ukiut siuliinut sanilliullugu akunnermik ataatsimik kingusinaassaaq. Tassa aqqanermut aatsaat tikissaaq.
Tamnna oktobarimi nalunaaquttap allanngorneranik pissuteqarpoq.
Naalakkersuisut tusagassiuutinut nalunaarummi allapput.
- Juullip inuata qulimiguulimmut aappalaartumut ilaalluni Napparsimmavissuup silataanut minnerani tikilluaqqusinnaanera nuannaarutigaarput, Peqqinnissaqarfiup pisortaa, Tina Amondsen oqarpoq, nangillunilu:
- Misigisaavoq nuannersoq ukiut tamaasa qilanaarisartagarput amerlaqisunullu isumalerujussuusoq nalunngisarput.
Qumiliguullip minnerani isumannaallisaanikkut palleqqusaanngitsut, meeqqat qumiguulimmut qanillinnginnissaannut isumannaallisaasut ataqqineqarnissaat Air Greenlandip attartortitsisarnermut immikkoortortaanit, Peter Frederik Lyberthip tusagassiuutinut nalunaarummi kaammattuutigaa.
