Justin aamma Hailey Bieber angajoqqaanngorput
Canadamiu erinarsortartoq Justin Bieber nuliilu Hailey Bieber nukappiaqqamut angajoqqaanngorput.
Taama Instagramimi Justin Bieber allappoq, ernermilu isigaaraata assinga aamma ilanngullugu.
Assip allagartaanut erinarsortartoq maanna 30-nik ukioqartoq ima allappoq: Jack Blues Bieber angerlamut tikilluarit
Majimi aappariit Instagramikkut nalunaarutigaat angajulliliartik utaqqillugu. Taamani Justibn Bieberip eqqoriarpaa ernertaassalluni.
Aappaarit uupernarsarpaat 2016-imi ilisisarilersimallutik, kisiannili qaammatialunnguit ingerlaneranni avissaarsimallutik.
Jack Blues qangarpiaq inunngornersoq ersarinngilaq. Qanorlu oqimaatsiginersoq aamma taaneqarani.
Angajoqqaat tusaamasaasut
2018-imili tikeqqipput ukiorlu taanna katillutik.
Inuusuttuaraalluni Justin Bieber nunarsuarmi tamari ilisimaneqalerpoq.
Arlaleriarluni nunarsuarmi angalaartarnikuuvoq kisiannili 2022-mi 2023-milu tusarnaartitsinerit unitsittariaqarsimallugit nappaammik Ramsey Hunt-imik nalaataqarnini pissutigalugu, kiinnami illua'tungaatigut nappaatip nikissinnaajunnaaqqasilerpaa.
Februarimili erinarsortartoq ukiumi ataatsimi nipilersornermiit mulusimariarluni nunamini Canadami nipilersorfimmut qaqigami saqqummeqqippoq .
Aapparisaa Hailey Bieber amerikkarmiuusoq atisanik takutitsisartuuvoq, taassumallu ilaqutai tusaamasaapput.
Ataataa tassaavoq isiginnaartitsisartoq, producereq ilitsersuisartorlu Stephen Baldwin, taassumallu qatanngutigaa Alec Baldwin - tassa Hailey Bieberip akkaava.
/ritzau
