Espersen akissutisivoq: Julianehåb ima Qaqortunngorpoq

Dansk Folkepartimeersup Søren Espersenip illoqarfiit nunaqarfiillu danskisut aqqi Jakobshavn, Julianehåb ilaalu sooq atorneqartarunnaarnersut paaserusuppaa. Akissut inatsimmi 1983-imeersumi nassaassaasoq, ministeriunerup Lars Løkke Rasmussenip akissuteqarnerani atuarneqarsinnaavoq.

- Namminersornerullutik Oqartussaqalerneranut inatsit novembarip 29-ani 1978-imeersoq tunngavigalugu Folketingip kalaallit pigisaasa atsersorneqarnissaannut malittarisassaliornissamut pisinnaatitsissut Namminersornerullutik Oqartussanut 1983-imi tunniuppaa.

Tassa Folketingip Nunatsinni illoqarfiit nunaqarfiillu qanoq taagorneqassanerannut aalajangiisinnaanermut pisinnaatitaaffik taamani Namminersornerullutik Oqartussanut ukiut 34-t matuma siorna tunniuppaa.

Søren Espersen sapaatip akunnerata siuliani kina danskit allagaataataanni aqqinik Godthåbimik, Godhavnimik atorunnaarsitsilluni Nuummik Qeqertarsuarmillu taaguilersitsisimanersoq apeqquteqarmat, ministeriuneq taama akissuteqarpoq.

- Kalaallit Nunaanni nunat aqqi danskisoortut pisortatigoortumik atorneqarunnaavissimanerinut suna tunngavilersuutigineqarsimanersoq, aammalu tamatumunnga Folketingimi qanga akuersissutigineqarsimanersoq ministeriunerup ilisimatitsissutigisinnaavaa? Espersen taama apeqquteqarpoq.

AAMMA ATUARUK Nunat aqqi danskisoortut ukiut 12-it matuma siorna itigartitsissutigineqareersut

DF-imeersup apeqquteqarnini KNR-imut itisilerpaa:

- Danskit kulturiannut taama soqutiginaateqartigisut tammaannarsimanerat takusinnaallugu uatsinnut immikkut illuinnartuuvoq, tamannami Folketingimi naalakkersuisutigoortumilluunniit oqaluuserineqaranilu oqallisigineqarani pisimammat, Espersen oqarpoq.

Lars Løkke Rasmussenip akissuteqarnera Søren Espersenip qanoq igineraa KNR-ip paasiniarniarsaraa.

AAMMA ATUARUK Nunat aqqi danskisoortut ukiut 12-it matuma siorna itigartitsissutigineqareersut