Jess Svanep uran pillugu qinersisoqarnissa kissaatigaa
Uranimullu tunngatillugu partiimi siunniussaanut allatut isumaqarpoq, tassami saffiugassanik uranitalinnut tunngatillugu innuttaasut taasitinneqartariaqartut isumaqarami.
Uranimik attueqqusinnginerup atorunnaarsinneqarnissaanut pillugu innuttaasut akornanni avissaartuuttoqarnera Siumumi isummerfigineqartariaqartoq, Jess Svanep oqaasii aviisimi Tamanut Avannaani issuarneqarpoq:
- Aatsitassanik uranitalinnik Nunatsinni piiaasoqalissanersoq innuttaasunut taasititsissutigineqartariaqarpoq. Innuttaasullu aalajangigaat ataqqisariaqarparput, Jess Svane oqarpoq.
Paasissutissallu tutsuiginartut aallaavigalugit aalajangiisoqartariaqartoq, Jess Svane isumaqarpoq, aatsitassanik uranitalinnik piiaasoqalissagaluarpat iluaqutaasinnaasut ajoqutaasinnaasullu annerusumik paasisimaqarfigeqqaarlugit aalajangiisoqarnissaa ujartorlugu.
Innuttaasullu tamanna pillugu taasitinneqarnissaannut isuma Inuit Ataqatigiinnnik suleqateqalernissamut ammaassisinnaasoq aamma isumaqarpoq.