Jens Napãtôk ataatsimiititaliani pissaaneqarfiusuni siulittaasunngoqqippoq

Naleqqameersoq Jens Napãtôk Inatsisartut aningaasaqarnermut akileraartarnermullu ataatsimititaliaanni siulittaasuussaaq. Taava aamma Aalisarnermut, Piniarnermut Nunalerinermullu Ataatsimiititaliami siulittaasuussaaq. Tamanna Inatsisartuni inissat ippassaq agguataarneqareermata paaasinarsivoq.

Inissisimaffiit taakkua marluk nunatsinni naalakkersuinermi qitiusumik inissisimapput.

AAMMA ATUARUK Naleraq: Qaleralinnut akitsuutip pinngitsoorani peernissaa piumasaqaatiginngilarput

Tassami aappaagumut aningaasanut inatsisissaq pillugu isumaqatigiinniarnerit ilaat pingaaruteqartut ataatsimiititaliami tassani naammassineqartarput, taavalu Naalakkersuisut ilassutitut aningaasaliissutissatut qinnuteqaataat takkuttartut isummerfigisussaaasarlugit.

Siumup siulittasua Erik Jensen ataatsimititaliami tassani siulittaasumut tulliulerpoq.

Aalisarnermut ataatsimiititaliaq nunatsinni aamma pingaaruteqartuuvoq, tassami aalisarneq inuussutissarsiutini pingaarnerpaavoq, nunanut allanut nioqqutitta 95 procentii aalisagaallutik qalerualiullutilluunniit.

Videoliaritereerluni napparsimalluni sulinngiffeqalerpoq

Jens Napãtôp Inatsisartut upernaaq immikkut ittumik ataatsimiimmata inissisimaffiit taakkua marluk napparsimalluni sulinngiffeqalerami iperartariaqalerpai. Aningaasaqarnermut akileraartarnermullu aamma aalisarnermut ataatsimiititaliani maajip pingajuani siulittaasunngorpoq, ullulli marluk qaangiutiinnartut napparsimalluni sulinngiffeqalerluni.

Taama pisoqartinnagu Facebookimi video saqqummermat, Inatsisartunut ilaasortaq qitiutillugu oqallinnersuaqarpoq.

AAMMA ATUARUK Siumup Jens Napaattooq politiinut unnerluutigigaa

Videoliami inuit pingasut inimiittut takutinneqarput. Taakkunannga marluk tassaapput Jens Napãtôk taassumalu inooqataa. Napãtôp inooqataa natermi nalavoq, Napãtôllu sequtserniarlugu sioorasaarpaa.

Siumup Napãtôk politiinut suliassanngortinnikuuaa.

KNR.gl-imi isummersorfik teknikkikkut ajutooqqavoq. Ajoqutaa misissorparput.