- Persuttaanermut kannguttaatsuliornermut ikiaroornartumulluunnit tunngappata taava soorunami taanna nalunaartussaatitaanerput aallaavigalugu uagut pisussaaffeqarnerput malillugu nalunaarutigivarput, Erik Jensen oqarpoq.Assi: KNR

Siumup Jens Napaattooq politiinut unnerluutigigaa

- Parteeqataasa taamaaliunngippassuk taava uagut taamaaliortariaqarpugut, Erik Jensen oqarpoq.

Siumup Jens Napaattooq politiinut unnerluutigaa. Tamanna Siumup siulittaasua, Erik Jensenip KNR-imut uppernarsarpaa.

- Parteeqataasa taamaaliunngippassuk taava uagut taamaaliortariaqarpugut, Siumup siulittaasua oqarpoq.

Naleqqamit politikerip allaffimmi ippassaq nalinginnaanngitsumik ulloqarnerata kingunerisaanik politiinut unnerluussisoqarpoq.

Tamatumani video Jens Napaattuup aappaatalu meerartaqarlutik angerlarsimaffianni sapaatip akunnerata naanerani pissutsinik takutitsisoq - Facebookikkut siammarterneqartoq pissutaavoq.

Videoliami inuit pingasut inimiittut takutinneqarput. Taakkunannga marluk tassaapput Jens Napaattooq taassumalu inooqataa. Napaattuup inooqataa natermi nalavoq, Napaattuullu sequtserniarlugu siorasaarpaa.

AAMMA ATUARUK Jens Napãtôk søger om sygeorlov fra Inatsisartut

Taamaammat Siumup Jens Napaattooq politiinut maanna unnerluutigaa. Sunali pissutigivinnerlugu Erik Jensenip oqaatigerusunngilaa. Qinikkatulli nalunaaruteqarnissamut pisussaaffik sukannernerusoq, taassuma oqaatigaa.

- Persuttaanermut kannguttaatsuliornermut ikiaroornartumulluunnit tunngappata taava soorunami taanna nalunaartussaatitaanerput aallaavigalugu uagut pisussaaffeqarnerput malillugu nalunaarutigivarput, Erik Jensen oqarpoq.

Sapaatip akunnerata naanerani pisoq

Jens Napaattuup angerlarsimaffiani pisut sapaatip akunnerata naanerani pipput.

Taassuma aappani nakuuserfigisimanagu KNR-imut ippassaq oqaatigaa.

Arlaat arlaannut nakuusernernikuua?

- Uanga tunginniit taamaattoqanngilaq, soorunami arv arv ingerlaqattaarput, taava qullermik anaaseriarnermini qulliup aserornerani kimillannerani kiinaani tassa kiinnami aanaartoornera uanga profilinnut ikkussimavaa, Jens Napaattooq oqarpoq.

AAMMA ATUARUK Hans Enoksen: Jens Napaattuup ilaqutai ajunnginnerpaamik kissaappagut

KNR-ip  Jens Napaattuup aappaa aamma attaveqarfigaa. Taanna apersorneqarusunngilaq, allallunili akissuteqarpoq:

- Kiinakkut kimillassimallunga aanaartoq asseq ikkussaq aapparma statusiani pivoq qullermik igalaaminermik skærmitalimmik kamallunga aanaariarneranik aserornerani tammiffigitikkama assiusoq uanga nammineq kamallunga ikkutaraara.

- Imaanngilaq annersagaasimallunga nivingaaniaraluartunut aallaaveqartoq.

Jens Napaattuup aappaata oqarnera naapertorlugu taassuma ernera pisumik immiussisuuvoq.

- Ilumoortorli tassaavoq ilaqutariinni imaannaanngitsumik atugaqartitsisumik ajornartorsiuteqaratta. Tamannalu ikiorneqarnissamik aqqutissiuuttaraluartoq sakkortugaluaqisumik aapparma nukappiaraaterput Livertippaa ajornartorsiuterput qanoq annertutigisoq takutillugu.

Sulinngiffeqarnissamik qinnuteqartoq

Jens Napaattooq Inatsisartunit Avannaata Kommunianilu kommunalbestyrelsinit sulinngiffeqarnissaminik ippassaq qinnuteqarpoq.

Suliaq politiinit maanna suliarineqartussanngorpoq.

- Pisussaaffipput malillugu politiinut nalunaarutigineqarpoq. Uppernarsaatit tunniunneqarput, oqaatsillu atorneqartut ilanngullugit massakkut politiit paarisimalernikuuaat, Erik Jensen oqarpoq.

- Kikkuugaluartulluunniit paasisimasaqarunik, arlaannik ajortoqarsorigunikku tamaaliortussaatitaapput. Minnerunngitsumik uani ilaqutariit meeqqat eqqarsaatigalugit. Meeqqat illersorneqarnsisaanik oqariartuuteqarsimagaanni taava soorunami meeqqat illersorneqarnissaat pisussaaffiummat politiinut nalunaarutiginninneq ingerlapparput, Erik Jensen oqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat