Japanimiut atomimik nukiliorfitik ukiut 60-it sinnerlugit atorneqarsinnaalertikkaat
Japanimi atomimik nukiliorfiit ukiut 60-it sinnerlugit atorneqarsinnaanissaat pillugu inatsisitaaq Japanimi inatsisartut akuersissutigaat.
Silap pissusiata allanngoriartornerata akiorniarneqarnissaa pillugu atomimik nukiliorfeqarneq piorsarniarneqarpoq, soorlu aamma nukissiuuteqarniarnermi ajornartorsiutit iliuuseqarfiginiarneqartut.
Innaallagissamik pilersuineq aalaakkaanerusoq Japanimi naalakkersuisut kissaatigaat. Japanip aningaasaqarnermut ministereqarfia tusagassiorfinnut nalunaarummi taama ilaatigut allappoq.
Aamarsuarnillu atuilluni innaallagissamik pilersuinerup qimakkiartuaarneqarnissaa aamma anguniagaavoq.
Fukushimami atomimik nukiliorfik Japanimi 2011-mi tassaarsuaqarnerani ajutoorfiuvoq.
Japanimi atomreaktorit amerlanerit maanna atorneqanngillat, nukissiuuteqarnikkulli nunani tamalaani aalassassimaarnerit pissutaallutik atomimik nukissiuuteqarneq pillugu oqallittoqaqqqilerpoq.
Atomimillu nukissiuuteqarsinnaaneq Japanimi maannamut apeqquserneqarsimariarluni Japanimi innuttaasut akornanni isorineqarunnaariartorpoq.
