Ittoqqortoormiini nutaanik aqquserngiortoqarlunilu kussiortoqalersoq
Ittoqqortoormiini aqqusernit Tasiilamisut kusassarneqassapput, Tasiilami aqqusernit pingaarnerit ilaat 2014-imi ukioq mannalu asfaltilersorneqarput, illoqarfimmi angallanneq isumannaallisaaneq annertusarneqarluni pujoralappallaarunnaarsinneqarlunilu.
Kommuneqarfik Sermersuumi Sanarfinermut Avatangiisinullu Ataatsimiititami siulittaasoq Ado Holm taama oqarpoq:
- Tasiilami aqqusinniorneq assut iluatsissimavoq, ullumikkullu aqqusernit nutaat pigineqalermata illoqarfik kusanarnerulerpoq. Maannakkut misilittakkavut pitsaasut Ittoqqortoormiini atussapput betoninillu aqqusinniornissamut aamma kussiniliornissamut missingersuutitsinni aningaasassaqartilerlutigit. Pilersaarut naapertorlugu illoqarfimmut kusassaataasussanngorpoq. Peqataanik pujoralaat annikillissapput aammalu innuttaasut inuussutissarsiutinillu ingerlataqartut ajornannginnerusumik angalasalissallutik, Ado Holm oqarpoq.
