Ersinngitsumik innarluutilinnut angajoqqaaq: Isummat pigiliutiinnakkat naammattoortarpagut
![](/sites/default/files/styles/image_934x467/public/2024-08/Siila%20Geisler%20Vold.jpg?h=54c0f6d3&itok=AJfIQXpa)
Angajoqqaat ersinngitsumik innarluutilimmik meerallit inuiaqatigiinni isummanik pigiliutiinnakkanik naammattuuisarput.
45-nik ukiulik Siila Geisler Vold taakkununnga ilaavoq.
- Angajoqqaat perorsaanerluttutut isigineqartarput, taanna takussaasorujussuuvoq soorlu oqittorsiorpasittumik imaalilaaginnassaasi taamaalilaaginnassaasi taama isiginnittaaseq atuuttorujuussuuvoq. Taanna oqarpoq.
Læs ogsåHelene måtte rejse ud af landet for at få en diagnose
Siila Geisler Vold sisamanik qitornaqarpoq, marluk inersimasunngoreerput, marlullu atuartuullutik, nukarliit ersinngitsumik innarluuteqarput - niviarsiaraq 13-inik ukiulik nukappiararlu aqqanilinnik ukiulik.
Akulliup inorluni inunngornikuunera pillugu inorlutik inunngortut kingunerluuteqartarnerannut ilisarnaatit malillugit Siila Geisler Voldip meeqqallu ataataat immikkut paaqqutarisarnikuusimaavaat.
Perorsaasut suleqatigalugit atualermallu ilinniartitsisui oqaloqatigalugit, ersiutai ersarissiartorsimapput,
Læs også Grønland til eksamen i FN: Skulle forsvare behandling af handicappede
Akullequtaata meeraqatini paatsoortarsimavai, qinngasaartissoraluni, inuit attaveqatigiittarneri paatsoortarlugit taavalu meerarpassuit akornanniissinnaassanani.
Sunaaffami autismeqarpoq
Alliartornermini ajornarsigaluttuinnartoq. Ileqqulersuutigut ilatta ileqqulersuutai malillugit ilikkartakkagut ilaarsilluni ilikkarsinnaasimanngilaq.
- Katuamut neriartorluta iserpugut, jakkigut peerrappagut taava aqqaluaata jakkini peerpaa malillutalu puugutamik nerisassanik aallerpugut, taava uteratta akullequterput suli nikorfasoq issiaviup tunuani, Siila Geisler Vold oqarpoq.
Læs også Tilioq om ny handicaplov: Den skaber ikke forandringer og forbedringer
- Autismeqarnermini adha-qarlunilu filterii allaapput, sorpassuit ersiutaasarpoq, nipit, qaamaneq aalasut, tamarmik assigiimmik isaasaramik.
Sunaaffami autismeqartoq. Autismeqarnera ADHD-qarneralu akimmiffeqartitsitsisuusut paasigamikkit ikiorluarsinnaanerulerlugu oqaluttuarpoq.
Kingornalu aqqaluaata - nukarlialiaata - innarluutaa suussusersineqarpoq. ADHD-qarpoq epilepseqarlunilu.
Paatsoorneqarnerneq pigiuliutiinnakkanillu isumaqarfigineqarneq
Tusarniaaneq qaangiuteqqammivoq. Nunatsinni innarluuteqartut atugaat Naalagaaffiit Peqatigiinnit naliliiffigineqaqqammerput. Tiliup inuillu pisinnaatitaaffiisa siuinnersuisoqatigiivisa isornartorsiorfigisaannik.
Innarluutillit atugaasa politikerinit pingaartinneqanngittarnerat isornartorsiorneqarput.
Siila Geisler Vold isumaqarpoq ersinngitsumik innarluutilinnut angajoqqaat ilisimalluaraluaraat meeqqap ulluinnaa qanoq iluseqassanersoq, pisariaqartitsinerallu aallaavigalugu ulluinnaat ingerlasartut, inuiaqatigiittut tamakku arlalitsigut ilisimaneqarneq ajorput.
- Diagnosillit pisarissersuutaasutut akissaajaataasutullu isigineqartut, inuiaqatigiinnut taavalu immikkut, taanna oqarpoq.
Paasineqannginneq meeqqanut kingunerluuteqarsinnaasoq misigivoq.
Eqqaamasamini atuarfiup pisortaa naammattoornikuuaat, Meeqqat innarluutaat suussusersineqareeraluartut – oqartoq meeqqasi vattimut poortorunnaassagaat, taanna oqaluttuarpoq.
- Allaanngilaq piaarisugut, allaanngilaq meeqqanik nukatsitsisugut allaanngilaq kukkusumik perorsaasimagatta taamaaginnarusullutalu piumasaqartorujussuusugut. Taanna oqarpoq.
- Taamalu ilungersortigisugut.