Issittumi Sakkutooqarfiup umiarsuaa alapernaarsuut tamanut ammassasoq
![Triton Qaqortumi juulliararsiortoq](/sites/default/files/styles/image_934x467/public/webform/triton_0.jpg?itok=mIFqMK5a)
Aasaq naangajalerpoq ulluinnaallu aallarteqqissimalereerlutik. Kisianni Issittumi Sakkutooqarfik aasaanerani angalanermik taallugu aaqqissuussissaaq.
Umiarsuarmi alapernaarsuut Triton aasaasanerani angalanermik taallugu Avannaani illoqarfinnut nunaqarfinnullu arfineq-marlunnut tikittarluni Ilulissaniit marlunngornermiit sapaatit sapaatit akunnerata tulliani pingasunngornerup aggustip 28-ata tungaanut angalassaaq.
Illoqarfiit nunaqarfiillu tikitassaata inuisa aamma Issittumi Sakkutooqarfiup atassuteqalernissaat siunertaralugu Issittumi Sakkutooqarfik aamma peqatigiiffik ‘Next Step’ illoqarfinni nunaqarfinnilu imarsiornermik, oqaloqatigiinnermik nipilersornermillu misigisaqartitsiffiusussamik aaqqissuusseqatigiipput.
Peqatigiinneq
Oqaloqatigiinneq ataatsimoornerlu Tritonip aasaanerani angalanerani qitiussapput.
Ole Kristiansen, Nukâka Coster-Waldau savalimmiuneersorlu Teitur, Peter Kibsgaard, Kristoffer Jul Reenberg aamma Jeppe Jensen Skovbakke nipilersortoralugit appittassapput.
Umiarsuarmulli takuniaasut appisimaartut tusarnaaginnarnagit appeqataanissamik aamma periarfissaqassapput.
Nipilersornermi oqaloqatigiinnermik ataatsimoornermillu pilersitsiffiulluni ataatsimoorfiussasoq, Issittumi Sakkutooqarfiup neriuutigaa. Nipilersornermi kalaallit kulturianni qitiusunut ilaalluinnartuusoq arajutsisimanngilaa, neriuutigalugulu Tritonip tikitassaata inuisa atassuteqarfigilernissaannut iluaqutaassasoq.
Paasisassarfiorfissaqqittoq
Umiarsuarmimi alapernaarsuummi Tritonimi sulisorpaaluisa nunatsinni tikittakkamik inui attavigerusuppaat. Tassalu taamaaliornissaat aasaanerani angalernermik taallugu aaqqissuussami siunertaavoq.
Umiarsuarmi alapernaarsuummi upalungaarsimasut suliaat, aamma ilinniarnissamut periarfissat suliffiillu suunersut meeqqanut inuusuttunullu oqaluttuarinissaat siunertaavortaaq.
Tassa umiarsuaq nunatta imartaani alapernaarsuut takuniaarusuttunut ulluni tulliuttuni ammassaaq.