Issittumi Sakkutooqarfik nutaamik pisortartaartoq
Generalmajori Søren Andersen aggustip qulingani Issittumi Sakkutooqarfimmi nutaamik atuuffeqalerpoq. Taamaasilluni pisortatigoortumik sakkutooqarfimmi pisortanngorpoq.
Illersornissamut Qullersaqarfik tusagassiorfinnut nalunaarummi taama allappoq.
Generalmajori Illersornissamut Qullersaqarfimmi Operationsstabimeersuuvoq.
Søren Andersen sapaatip akunnerani uani ataasinngornermi sakkutooqarfimmi siorna maajimili pisortaasimasoq, Brigadegeneral Poul Primdahl, taarserlugu pisortanngorpoq.
- Issittumi Sakkutooqarfik ullumikkut pissanganartunik suliassaqarpoq. Naalagaaffeqatigiinnermilu iliuusissiornerup tungaatigut sakkutuunik aallartitaasunik suliassaqartitsinermi pisortanngorama maniguullungalu pingaarteqaara, illersornissarmi pillugu isumaqatigiissutissaq oqaluttuarisaanermi malunniuteqartussaq maanna atuutingajalerpoq, Søren Andersen tusagassiorfinnut nalunaarummi taama oqarpoq.