Issittumi qilleraluni uuliasiornissaq Clintonip isumaqataaffiginngikkaa

Taanna Issittumi qilleraluni uuliasiortoqarnissaanut apeqqummi præsident Barack Obama isumaqatiginagu ippassaq nalunaaruteqarpoq.

Obamap naalakkersuisuisa uuliasioqatigiiffiup Shellip Alaskap avannaata avataani uuliasiorluni qillerinerminik ingerlatitsiinnarsinnaaneranik ataasinngormat inaarutaasumik akuersissuteqarput.

Taamatulli akuersissuteqarneq præsidentip nunanut allanut tunngasunut ministererisimasaata ilalernartinngilaa.

AAMMA ATUARUK Shellip issittumi uuliasiorluni qilleriniarnera Obamamit akuersissutigineqartoq

- Issittoq pisuussutaavoq nallernissaqanngitsoq. Taamaammat uuliasiorluni qillerinerit aarlerinartoqarsinnaasut ingerlattariaqaratigit ilisimavarput, Hillary Clinton Twitterimi taama allappoq.

Clintonillu taamatut nalunaaruteqarnera præsident Obamamut silap pissusianut tunngatillugu apeqqummi isumaqataannginneranut ersarinnerpaatut isigineqarpoq.