Issittumi ilisimatusarnermut misissuiviit nutaat Kunngissamit atoqqaartinneqartut
Misissuiviit ujarassiornerup, geoteknikkip issittumilu sanariaatsit atasinnaasut pillugit ilisimatusarnermut annertusaataassapput.
Ilisimatusartut arlallit DTU Arcticimeersut atoqqaartitsinissaq sioqqullugu oqalugiassapput, suliaqarfimminni ilisimatusarnikkut angusat kingulliit saqqummiutissallugit.
DTU aamma Sisimiuni immikkoortortaqarfeqarpoq, ilaatigut Issittumi sanaartornermut ingeniøritut ilinniarfiusumik. Misissuiviillu nutaat Sisimiuni ilinniartut peqatigalugit DTU-p Issittumi ilisimatusarnerannik nukittorsaataassasut, DTU Bygimi pisortaq, Niels-Jørgen Aagard, oqarpoq.
AAMMA ATUARUK DTU kalaallit inissiaataanni misissuissasoq
Qeqqata Kommuniani borgmesteri, Malik Berthelsen, Danmarkimi ullumi atoqqaartitsisoqalerpat aamma peqataassaaq.
Atoqqaartitsisoqarneranilu Qeqqata Kommunia sinnerlugu Kunngissaq Frederimmut immikkut illuinnartumik tunissuteqarniarpoq.
Tassalu tooq, sanaaluttartup Barse Svendsenip suliaa, tuttup nassuanik puisimik pinnersaasigaq.
- Misissuivinnut nutaanut ilisarnaatissaalluarpoq, Barse Svendsen aviisimut Sermitsiaq taama oqarpoq.
AAMMA ATUARUK DTU-p issittumi ilisimatusarfittaaq sukatereqataaffigissagaa
