Israelip sakkutuui Gazami ulluni tulliuttuni qanoq iliuuseqarnialersaartut
Nutaarsiassaqartitsivik Reuters naapertorlugu ulluni tulliuttuni pingaartumik illoqarfimmi Gazami qanoq iliuuseqartoqarnialersoq, Israelimiut sakkutuui ilisimatitsipput.
Taamaalinerani Gazami nalunaaqutaq malillugu tallimanngornerup ullaavani nalunaarummi illoqarfimmi Gazami kikkut tamarmik kujavarnissaannik peqquneqartut sakkutuunit uppernarsarneqarpoq.
Illoqarfimmi Gazami qanoq iliuuseqartoqarnissaanut sunarpiaq tunngaviunersoq Israelip tungaaniit nalunaarutigineqanngilaq.
Hamasip Israelimut saassussereernerisa kingunerisaanik Israelimiut Gazamut arfininngornermi isaanissaat arlallit isumaliutigaat.
Israelimiut pingaartumik qaartartunik eqqaassinerisa kingunerisaanik manna tikillugu minnerpaamik palæstinamiut 1.500-nit ikinnerunngitsoq toqutaasimapput.
Gazap nalunaaqutaa malillugu tallimanngornerup ullaavani Israelip eqqaani ungalut ingalasimaneqassasut Israelimiut sakkutuui aamma Gazamiuusut peqqusipput.
Ulluni kingullerni Israelimiut arlalinnik sorsuutinik qamussualerlutik Gazap ungasinngisaaniipput.
