POLAR NANOQ Islandimit aallarnissamut politiinit akuerineqarnissaq utaqqineqartoq
Jørgen Fossheim, Polar Seafoodimi kilisaatinut pisortaq KNR-imut taama ilisimatitsivoq.
- Politiinit marloriarluta ippassaq nalunaarfigineqarpugut. Siullermi oqaatigineqarpoq ullumikkut (ataasinngornermi, aaqq.) aallarsinnaanissarput naatsorsuutigisinnaagipput. Aappaanilu, akuersissummik tunniussereerpata aatsaat tamanna pisinnaassasoq, Jørgen Fossheim taama oqarpoq.
AAMMA ATUARUK Birna Brjánsdóttir toqungasoq nassaarineqarpoq
Kilisaalli suluppaakkanik pisaminik usingiarnissaminut akuerineqarsimavoq.
Polar Nanumi inuttat kalaallit marluk arnamik 20-nik ukiulimmik Birnu Brjáns-dótt¬urimik toqutsisimasutut pasisaallutik politiinit maanna tigummigallarneqarput.
Eqqartuussissuserisut, oqalutsit danskillu nunanut allanut ministereqarfiata aallartitaa inuttat unnerluutigineqartut marluk najoraat, Fossheimip ilisimatitsissutigaa.
AAMMA ATUARUK Inuttat kilisaammut utersinnaanngortut