Island piffissami kingullermi siuaqqanertik annaavaat
Europami arsarlutik pissartanngorniunnerni Island Ungarnilu unammigamik naligiillutik 1-1-erput, taamaasillunilu Ungarn gruppe Fimi sisamanik pointeqarluni siuttuuvoq.
Allattoq Ritzau
juunip 18-at 2016 17:35
Nutserisoq Bibi Nathansen
Unamminerup tamangajaat Island siuaqqavoq, unamminerulli naggaterpiaani Birkir Sævarsson ajoraluartumik namminneq ajuuffimminnut målertoorpoq, taamaasillunilu unammineq 1-1-imik inerneqarpoq.
Gylfi Sigurdsson muminnginnermi strafferluni isertitsimmat Island siuaraluarpoq, kisianni tassa Island Ungarnilu Marseyimi tamarmik pointinnapput.
Taamaasilluni Reykjavikimi nuannannersuaq kinguartittariaqarpoq.
Aamma atuaruk ASSIT & VIDEO Islandimiut EM-imi unammeqqaarnerminni nuannattut
Portugal Østrigilu Islandip immikkoortuaniittut unammipput.
Unammineq sioqqullugu Portugal ataatsimik pointeqarpoq, Østrigilu suli pointinnannani. Iligiit marluullutik EM-ertoqarnerani aappassaa unammipput.
