U18 nunarsuarmi pissartanngorniuunnermi, nivissat naggammik Kalaallit Nunaat sinnerlugu unammineranni ajorsarput.
Unammiuaarnerit arfineq-marluk, ajorsarnerit arfineq-marluk.
Tassaapput Kalaallit Nunaanni nivissat U18-mi assammik arsartartut Kina-mi unammiuaarnerisa inernerat.
Nunat tamalaanit peqatasut 32-iusuni unammiuaarnerni Kalaallit isertitsilluartaraluartut, unnuaq Canada-miut unammineranni angusarlunnerpaatut inissinnginnissamut, tassa 31-nngornissamut unammisoqarpoq.
Unammiuaarnerni ajugaatuarfissamik kalaallit nivissat periarfissaat kingulleq pineqarpoq, tamannali iluatsinngilaat.
Canadamiut qaavatigut mål-inik paarsisuat 47%-mik annaasseriallaqqissuseqartutut naatsorsorneqartoq iluaqutigingaarlugu artorsartitsipput.
Unamminermi isertinneqartut 18-27-nik inerneqartut, Kalaallit Nunaat kingullersaanngornerannik inerneqarpoq.
Madeline Bjørnestad kalaallit isaatitsinerpaattut eqqaaneqareersoq, unammineq kingullermi isaatitsinerpaatut inisseqqippoq, unamminermi arfinileraartitsisoq, unammiuaarnerit tamani katillugit 36-nik isertitsivoq.
