Isit takunnittut
Qitsuit meriaavi - peqqissaartumik aaqqissuussineq. Assaat pingasut naartuup iluanit anillatsitat. Arnaq inissiarsuup blok P-ip aneerasaartarfiani pujortartoq.
Ilaaatigut tamakkua atuakkami saqqummersinneqaqqammersumi isit takunnittumi takuneqarsinnaapput
Atuagaq assilisanik imaqarpoq - isit takunnittut - assiliisartunit Michael Lindskov Jakobsenimit, Maja-Lisa Kehletimit Inuuteq Storch-imit Lisbeth Karlinemit Iniuteq Kriegelimit aamma Steen Olsenimit assilisat saqqummerpoq.
Atuagaq taanna aaqqissorneqarpoq atuakkiortumit Iben Mondrupimit taanna nunatsinni peroriartornikuuvoq.
- Kalaallit Nunaat tusagassiorfinni sammineqaraangat erloqissuteqartarsimavunga
Nalissaqanngitsumik kusanassusilittut aningisoorujussuartulluunniit eqqartorneqanngikkuni inuttut ajornartorsiuterpassuarnik ulikkaartutut eqqartorneqartarpoq.
Tamaattumik piffisami sivisuumi Kalaallit Nunaata assigiinngiiartuunera takutinniartarsimavara. Atuagarlu una saqqummersoq misiligutigaara, Iben Moundrup atuakkap saqqummmersinneqarneranut atatillugu taama allappoq.
Isit takunnittut - qallunaatut Øjne der ser - Københavnimi Kalaallit Illuutaanni ualikkut tallimanut saqqummersinneqassaaq - atuakkiami assiliisut marluk najuuttussaallutik.
