Politikki

Isertitsivimmiinnissamut utaqqiloortarput

Pinerlussimasoq eqqartuunneqareernermi kingorna qanoq sivisutigisumik utaqqisassava isertitsivimmut inissinneqarnissaminut? Nunatsinni pinerlussimasut ilaatigut ukiuni pingasuni inissiisarfinni inissaqalernissaminnut utaqqisarput. Danmarkimi folketingimi ilaasortat Nunatsinni taamaattoqarnera akuerisinnaavaat? Taama aperipput, Inatsisartut Inatsiseqarnermut Ataatsimiititaliaat Københavnimi paasisassarsiornerminni.
Allattoq Apollo Jeremiassen
marsip 01-at 2012 04:36

Inatsisartut Inatsiseqarnermut ataatsimiititaliaata Folketingip Eqqartuussiveqarnermut Ataatsimiititaliaa ilaatigut napisimaarpaat. Tassanilu eqqartorneqartut ilaagaat Nunatsinni isertitsivinni inissaaleqinerujussuaq oqallisaaqisorlu.

Nunatsinni isertitsiviit ataatsimut katillugit 153-nut inissaateqarput utaqqisullu ullumikkut 300-it angusimalerpaat.

Piffissami qaninnermi utaqqisut 400-it angussagaat ilimagineqalereerpoq, allaat qaammatit marlussuit qaangiuppata kisitsit tamanna anguneqassasoq oqaatigineqarluni.

Taamaatoqalissappalu tassa pinerluttut eqqartuunneqareersullu suli sivisunermik utaqqisalernissaat, Folketingip Eqqartuussiveqarnermut Ataatsimiititaliaanut anngunneqarpoq.

Folketingip Eqqartuussiveqarnermut Ataatsimiititaliaata ukiuni pingasuni Danmarkimi utaqqisoqartarnissaa akuersaarsinnaanagu oqaatigaa, taamaattumillu Inatsiseqarnermut ministeri piumaffigaat qanoq iliuuseqarnissaanik.

Aamma atuaruk

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq

Politiit ullormut nalunaarusiaat: Tillinniartoqarlunilu tillinniariaraluartoqarpoq