Narsarsuarmi sikunik alapernaarsuiffik ullumikkut matuneqalersoq

Ulloq kaffillerfiussasoq, DMI-mi pisortap tullersortaa silasiortorlu Søren Olufsen oqaluttuarpoq:
- Sikunik alapernaassuiffimmi Narsarsuarmi suleqatisartagarpassuaqarpoq, tamaasalu kaffisoriaqquagut, takunissaannullu soorunalimi qilanaaqaagut.

Ilaasartaat "Hans Hedetoft" Uummannarsuup kujataata tungaani kilometerinik 20-nik ungasitsigisumi iluliarsuarmut 1959-imi aporluni umiiarmat, sikunik alapernaasuiffiup, Narsarsuaq aallarnerfigalugu kujataata imartaa qulimiguulimmik nakkutigisarilerpaa.

AAMMA ATUARUK Narsarsuarmi sikunik alapernaarsuiffik matuneqalersoq

Qulimiguulimmilli nakkutilliineq tamaanga killeqarpoq. Alapernaassuiffiummi qulimiguuliisa piginnaasai qaammataasanit, sikumik ulorianartumik sumiissusersiuipallallutillu assiliillaqqissunit, anguneqarmata. 

Alapernaassuiffiup sulisui marluk, DMI-meersoq siku pillugu immikkut ilisimasalik Royal Arctic Linemilu aquttoq, Københavnimut, qaammataasanik nakkutiginniffissamut nutaamut, nooqataassapput. 

- Tassani suliagut allannguuteqartinnagit ingerlateqqissavagut, Søren Olufsen KNR-imut oqarpoq.

Teknologiip nutaap qaammataasani atorneqartup sikup Kalaallit Nunaata avataaniittoq tamakkerlugu ajornanngitsumik nalunaarsorsinnaavaa. Tamannali aningaasaliiffigineqaqqaartariaqarpoq.

AAMMA ATUARUK Qaammataasat qulimiguullit taarsissavaat