Ironbarkip piiaaviliorniarnera pillugu innuttaasunik ataatsimiititsilersut

Maannali Ironbark misileeqqinniarlerpoq Kangerlussuarmi Hotel Kamngerlussuup ataatsimiittarfiani unnugu nalunaaqutaq arfineq marluniit.

Sisimiut tullinnguutissapput Sanaartornermut Ilinniarfiup inersuani arfininngorpat nalunaaqutaq marlunut, taavalu sapaatiuppat Ilulissani Sermermiut filmertarfiani aamma nalunaaqutaq marluniit.

AAMMA ATUARUK Ironbark pillugu innuttaasunik ataatsimiisitsinissat taamatinneqartut

Innuttaasunik ataatsimiititsinerit siunertaraat pilersaarutit innuttaasunut saqqummiussornissaat, aammalu piginnittunut, pisortanut tamakkunannga immikkut ilisimasalinnut arlaannannulluunnit attuumassuteqanngittunut  innuttaasut apeqquteqarnissaannik periarfissinniarlugit.

Inuussutissarsiornermut naalakkersuisoq Randi Vstergaard Evaldsen, Aatsitassanut naalakkersuisoq Vittus Qujaukitsoq, Avatangiisinut naalakkersuisoq Mala Høy Kúko, kommunillu borgmsterii peqataassaapput, DCE-mi immikkut ilisimasallit kiisalu Ironbarkimeersut.

AAMMA ATUARUK Vittus: Ironbark aatsitassarsionikkut piareersimanerpaasut ilagaat

Ataatsimiititsinerit kalaallisut qallunaatullu ingerlanneqassapput.

Innuttaasunik ataatsimiisitsinissat kinguartinneqarnerata kinguneranik, Ironbarkip qinnuteqaataata tusarniarneqarnissaa, decembarip aallaqqaataaniit 15-iata tungaanut sivitsorneqartoq, Naalakkersuisunit maanna nalunaarutigineqarpoq.