Ironbark pillugu innuttaasunik ataatsimiisitsinissat taamatinneqartut
Tunup avanaani Citronen fjordemi zinkimik aqerlumillu piianiasamik Ironbarkip pilersaarutai pillugit Kangerlussuarmi Sisimiuni Ilulissanilu sapaatip akunnerata uumap naanerani innuttaasunik ataatsimiisitsinissat kitaani silap anorlerpallaarnera pissutigalugu taamaatinneqartut, Naalakkersuisut tusagassiuutinut nalunaaruteqarlutik taama allapput.
Allattoq Jonas Fievé
novembarip 21-at 2015 17:40
Nutserisoq Jaaku Lyberth
Piianissamik pilersaarutit innuttaasut ataatsimiisinneqarnerisigut saqqummiunneqartussaapput, tamatumalu kingorna Ironbarkimut apeqquteqartoqarsinnaalluni, aperineqarsinnaasut tassallutik pisortat aamma piianissamut ilisimasaqartut arlaannaannulluunniit attuumassuteqanngitsut.
Nuummi Kulturikkut illorsuarmi Katuami ataasinngornermi unnukkut arfineq marlunut innutaasunik ataatsimiisitsinissaq pilersaarutaasutut ingerlanneqassaaq.
Kangerlussuarmi, Sisimiuni Ilulissanilu qaqugu innutaasunik ataatsimiisitsisoqassanersoq kingusinnerusukkut ilisimatitsissutigineqarumaartoq, Naalakkersuisut tusagassiuutinut nalunaaruteqarlutik taama allapput.
Læs også Ironbarkip piiaviliorniarnera pillugu innuttaasunik ataatsimiititsisoqalersoq
