Irlandimi qimuttuitsuni inunngortoq akeqanngitsumik ilaasalissasoq
Irlandimi qimuttuitsut Galwayimit Dublinimukaartillutik ilimagineqanngilluinnartumik nalaataqartoqarpoq, arnarmi perusuersartarfimmi ernisuttoq sulisunit siumorneqarpoq.
Allattoq Bikki P. Kleist
juunip 15-at 2019 12:07
Arnaq ernisuttoq sulisunit siumorneqarmat højtalerikkut ikiortissarsiortoqarpoq, qujanartumillu peqqissaasut marluk nakorsarlu ernisuttumut ikiuupput - kingornalu arnaq panissaarluni.
The Independent taama allaaserisaqarpoq.
- Sulisuusut ilaasullu ernisuttumut ikiuunnerannut qujamasoqagaagut, Iarnród Éireannimi oqaaseqartartoq oqarpoq.
Qimuttuitsuni inunngortoq tunissutisivoq:
Niviarsiarannguup ukiuni tulliuttuni 25-ni akeqanngitsumik qimuttuitsortarnissaanut suliffeqarfiup tunissuteqarfigaa.
/ritzau/
