Iran mianersoqquniarlugu USA sakkutuunik 1000-inik Kangia Qiterlermukartitsilersoq
USA-p Iranillu akunnerminni najummatsinartorsiornerat sakkortusiartuinnarpoq, USA-mmi Irani umiarsuarmut uuliamik assartuummut saassussisuunerarpaa.
Amerikamiut "soqutigisaat" aallaavigalugit sakkutuunik aallartitsisoqarniartoq, Illersornissamut ministeriugallartup, Patrick Shanahanip oqaatigigaa.
Allattoq Ritzau
juunip 18-at 2019 13:25
Nutserisoq Bikki P. Kleist
Iranilu mianersoqquniarlugu USA-p sakkutuut 1000-it Kangia Qiterlermukartilerpai.
Sillimaniarnissaq anguniarlugu amerikami illersornissamut ministereqarfiup sakkutuut aallartittussanngorai nalunaarutigineqarpoq.
AAMMA ATUARUK Umiarsuarnik saassussinerup sorsunnermik kinguneqannginnissaa EU-mi nunat sulissutigigaat
Amerikamiut "soqutigisaat" aallaavigalugit sakkutuunik aallartitsisoqarniartoq, Illersornissamut ministeriugallartup, Patrick Shanahanip oqaatigigaa. AP taama allaaserisaqarpoq.
Irani Omanimi umiarsuarnut marlunnut sapaatip akunnerata siuliani saassussisimanerarlugu USA-p pasillerpaa, Iranili saassussinermut akuunnginnerarluni.
