Inuusuttut arsartartut islandimiut timmisartuaraanut 350.000 koruuneerlutik Tasiilamit angerlartut
Inuusuttorpassuit 15-it inorlugit ukiullit Air Greenlandip angallassinissanik taamaatitsiinnarnera pissutigalugu aallarneq ajuleqqasut Qaqortumi arsartartut K-33-meersut Tunuit nunatta kujataanut angalanerat iluatsippoq.
Qaqortormiut angerlamut marlunngormat tikipput.
Qaqortumit unammeqataasussat pissartanngorniunnermut peqataanissamut aallanngitsuungajanneranik aallartippoq, taakkumi Air Greenlandip Tunumut angallasssinissaanut inissaqanngillat. Qaqortormiut Tasiilami pissartanngorniunnermut peqataanatik angerlarsimaannartussanngoraluarput.
Inuusuttunulli unammisartunut angajoqqaat tamanna akuerisinnaanngilaat. Taamaammat Narsarsuarmit Kulusummut utimullu angalanissamut timmisartumik islandimit 350.000 koruunilerlugu attartornissamut aningaasaliisussarsiorput.
Assi: Islandimiut timmisartuutileqatigiiffiannit Eagle Air-imit timmisartuaraq. Timmisartoq "British Aerospace Jetstream 31"-uvoq. Assi: Sofie Rosa Jakobsen.
Èn af dem som var med, er rejselederen Sofie Rosa Jakobsen.
Inuusuttuaqqat K-33-meersut angallassisuat Sofie Rosa Jakobsen taakku ilagaat.
- Annakkuummernaq, angalanerput nuanneqaaq, kisiat imaanaanginnikuunermik inuusuttuaqqat angalaqatiginerat taamatut, akisussaaffik annertunermik, Sofie Rosa Jakobsen oqarpoq.
Timmisartuaraq ikittunik ilaasulik
Taakkumi Tasiilamut pissartanngorniunnermut peqataajartornerat namminneq akisussaaffigaat.
Inuit katillugit 13-it, tassa arsartartut aqqanillit, sungiusaasoq angallassisorlu Tasiilap eqqaanut mittarfiusumut Kulusummut angalapput.
- Kulusummukarpugut, timmisartuaraq mikingaarmat takuinnarlugu uanga nangiaammeraluarpunga, Sofie Rosa Jakobsen oqarpoq.
Arsartartut taamaalillutik Tasiilamut tikipput pissartanngorniunnermilu peqataallutik.
Pissartanngorniutereeramillu timmisartuaraq taanna atorlugu nunatta kujataanut Narsarsuarmut angalaqqipput.
Air Greenlandip ilaasussani Tasiilap Kulusuullu akornanni qulimiguulimmik nalinginnaasumik angallattarpai. Tasiilamiillu Kulusummukarnissamut allanik aamma periarfissaqarpoq.
Taakkumi Tasiilamiit Qernertuarsunnut snescooterinik attartoriarlutik ippassaani angalapput. Tamatuma kingorna Kulusummut angallammik angalapput, unnueriarlutillu nunatta kujataanut ingerlaqqillutik.
- K-33 Kulusummukalermat inuit ikiuukkumatunerat maani tupinnaq. Inuusuttuarartagut misigisaqalaavissorput.
- Annakkuummernaq, oqiliallannaq, taamatut ingammik nalunagu ilagisarpassuagut suli nikinngitsut Tasiilami, uagullu oqarluaanaraanni ingerlarataaginnavilluta, kianaarsinarpoq, alianaak kujataa.
Islandimiut timmisartuutileqatigiiffiata Eagle Airip timmisartuutertik inuusuttut arsartartut nunatta kujataata Tunullu akornanni angalanissaannut attartortippaa.
Qanoruumit TV-kkut ilanngutassiaq qulaani isiginnaarsinnaavat.