Inuusuttut akornanni unammisitsineq aallarnisaasunngornissamut aqqutissaasoq
Aallarnisaasunut unammisitsineq Arsarnerit Inuusuttai - Young Northern Lights, sisamanngormat naammassivoq, siornalu siullerpaamik unammisoqarluni. Kalaallit Nunaata aallarnisaasunut periarfissagissaarfiunissaa aaqqissuussinermi siunertaasoq, immikkoortortaqarfimmi ingerlatsisup Julie Rademacherip oqaatigaa:
- Nutaaliorsinnaanermik, aallarnisaasinnaanermillu Fonden for Entreprenørskab Kalaallit Nunaat-ni ilinniartitsissutigisarparput, inuusuttut aallarnisaasunngornissaat sinnattorisaallu piviusunngortineqarnissaat sulissutigisarlutigu, Julie Rademacher oqarpoq.
Inuusuttut unammisitsinermi isumassarsiaat dommerinit 26-nit, inuussutissarsiornermeersut, nalilersorneqartartut, taassuma oqaluttuaraa.
Taatsiannguaq Fleischer, Tele-Postimeersoq, dommerinut ilaavoq. Taassuma tandpastamik atorluaanerunissamik isumassarsiaq periarfissagissaartutut nalilerpaa:
AAMMA ATUARUK Meeqqat inuusuttullu pilersitsisinnaanermut ilinniartinneqassapput
- Ilaa ulluinnarni soorlu uanga nammineq ajornartorsiutigisinnaasaqaara, aamma takuara eqqarsaatigisimagaat, taavalu aamma qanoq anigorneqarsinnaanera taanna isumassarsiarisimallugu;
Taatsiannguaq Fleischer, unammisitsinermi dommerit ilaat taama oqarpoq.
Arsarnerit Inuusuttai - Young Northern Lightsimi unammisitsinermi ajugaasut katillutik sisamaapput, ingerlaqqiffiusumik ilinniarfiit, ilinniarnertuunngorniarfimmit, meeqqat atuarfiini 8.klassit, kiisalu 4. aamma 5.klassit.
AAMMA ATUARUK Nunatsinni aallartisaasut sammineqartut
Ingerlaqqiffiusumik ilinniarfinni ajugaasut Danmarkimi Naalagaaffeqatigiit aappaagu 2019-imi ukiaanerani unammersuartinneqarnissaannut angalassutissamik pinnapput, 4.-5.klassimilu atuartut filmertarfimmi filmeriarnissamut billetsinik pinnallutik.
