Anaanaasoq kalerriisoq: Inuusuttuaqqat annaassiniartartunit qulinit qulimiguulimmillu annaanneqartut
Politiit inuit pingasut ujaaralugit annaassiniarnemi periutsiminnik pingasunngornermi aallartitsipput.
Tamanna nukappissat pingasut ilaata anaanaa nalunaaqutaq 20.08 kalerriinerata kinguninnngua pivoq.
Taanna nukappissanit pingasunit Ilulissat eqqqaanni qaqqami innaaqqinnertalimmi Akinnaq Pukkinnermi qummukarsinnanatilluunniit ammukarsinnaanginnerminnik kalerrinneqarsimavoq.
Kalaallit Nunaanni politiini pigaartut pisortaat Carl Sværd taama nassuiaavoq.
- Salliarnamiit ammut pissiffigisaminniit quasappallaaqimmat ingerlariaqqinneq ajulersimapput, taanna oqarpoq.
Qaqqap qaaniit timmissukkaat
Pigaartut pisortaata nukappissat qanoq sivisutigisumik salliarnamiissimanersut suli naluaa.
- Apersuinermiit nalunaarusiat suli tigunngilagut, nukappissalli neriuutigisamiit sivisunerusumik oqqunniarneqarput, Carl Sværd oqarpoq.
Nukappissat Google Maps atorlugu sumiissusersineqarmata ujarneri ajornartorsiutaanngitsoq, pigaartut pisortaat oqarpoq. Annaassiniartunulli, ATV-it atorlugit ikiuukkiartortunut, annaasiniarfik sivingaqalunilu quasarmat ajornaakusoornerusimavoq.
Annaassiniarneq nalunaaqutaq 02.14 naammassivoq. Taamaalereermat Air Greenlandip qulimiguuliata annaassiniutip nukappissat pingasut qaqqap qaaniit illoqarfimmut aallaruppai.
- Ajoqusersimanngillat, qasoqimmatali annassiniartut qulimiguulimmit ikioqqusimapput, pigaartut ittuat oqarpoq.
