Politiit ullormut nalunaarutaat: Inuusuit ornittagaat marloriarluni tillinniarfigineqarpoq
Qaqortumi inuusuit ornittagaat Kaassassuk unnuaq marluk missaanni aamma tallimanut qiteqqulluinnalertoq tillinniarfigineqarpoq.
Kalaallit Nunaanni Politiit pigaartuisa pisortaat Jeppe Andsager ullaaq manna taama ilisimatitsivoq.
- Tillinniarfigineqaqqaareernerani igalaavi assiaqutsersorput, aappassaanillu tillinniarfigineqareernerani silataani sodavandit puukoqarlunilu kuupeeqartoq paasinarsivoq, taanna oqarpoq.
Tillinniartut kiunersut politiit ilisimanngilaat, taamaammat sulianut taakkununnga tunngatillugu ilisimannittoqarpat attavigeqqupput.
Tassa ullut marluk tulleriit ingerlaneranni tillinniarfigineqartunut politiit ornigupputsimasunut, unnuarlu marloriarluni tillinniarfigineqartoq tassa orniguffigisaannut ilaalluni. Nuup ilaanimi marlunngornermut unnuaani aamma marloriarluni tillinniartoqarpoq, nukappiaqqallu pingasut aqqaneq-marlunnik, 15-inik 17-inillu ukiullit tillinniatsiaannartut tigusarineqarput.
Tigusarineqartut taakkua tamarmik tillinniarsimasutut unnerluutigineqartut iperagaareersulli, politiit ippassaq marlunngornermi ilisimatitsissutigaat.
