Assi: KNR

GUX: Inuttut tunuliaquttat apeqqutaasarput

Oqaatsit, ileqqut, suliatigut piginnaasat ukioqqortussuserlu. Inuusuttut ilinniarnertuunngorniat amerliartuinnarput, taakkulu assigiinngitsunik tunuliaqutaqartiterput. Assigiinngisitaarnerallu ilinniarnermi ineriartornermut ajoqutaasinnaavoq

Kujataani ilinniarnertuunngorniarfimmi iliniartunut siunnersorti ilinniartunik oqaloqateqakulavoq, ineriarikkiartornikkut ilaatigut ilungersuuteqartunik.

Arlalinnillu peqquteqarsinnaasarput. Taakku ilagaat atuartitsinerup qallunaatut ingerlanneqartarnera atuartumut ilungersunarsinnaasartoq.

- Qallunaatut naammaginartumik piginnaasaqanngikkaanni, soorunami ilungersunarsinnaassaaq, Olav Henriksen oqarpoq, ilinniartulli amerlanerit ileqqukkut inooqataanikkullu allaanerusumik tunualiaquteqarneq peqqutaallutik ineriartornermikkut ajornartorsiortarput:

- Aammali atuartut ilaat suliassanut piginnaasakillutik atualertarnerat unammillernartuuvoq.

AAMMA ATUARUK Atuariartunngitsoortartunut maleruagassat sukannernerusut iluaqutaapput

Olav Henriksenip ilanngullu oqaatigaa ilinniartut ukiuisa assigiinnginnerat malunnartartoq. Tassani assersuutigaa atuarfitsialaap pilersinneqarnerata kingunerisaanik 11. klasseqarunnaarmat ilinniarnertuunngorniartartut inuusunnerugaluttuinnarnerat.

- Soorunami inuusuttuugaanni 16-inik ukioqarluni, illoqarfimmik nunaqarfimmilluuniit allaminngaaneeraanni angerlarserneq avaqqunneqarsinnaasanngilaq. Tassaavorlu ajornartorsiut ilinniartutsinnit nalaattagarput angisooq, ingammik inuusunnersani.

Nunatsinni ilinniarnertuunngorniarfiit ilinniartunut assigiinngitsunik sapinngisamik najoruminartunngorsarnissaat pingaaruteqartoq, Ilisimatusarfimmi isumaginninnermut immikkoortortaqarfimmi adjunkti Mariekathrine Poppel isumaqarpoq. Taamaaliorneq atuartut assigiinngikkaluarlutik ineriartorluarnissaannut iluaqutaassaaq.

- GUX-imi atualertartut sineriassuatsinninngaaneertarputilai angerlarsimaffinnit assigiinngitsorpassuarningaaniit. Taava ilaat soorunami angerlarsertarsimassapput, pissutigalugu ukua, sungiusimasat maqaasisaratsigit, soorlu ilaquttat, qanigisat, kammalaatit nerisassanut aamma tunngasunnaapput, angerlarsimaffippalaartut.

AAMMA ATUARUK Amerlanerusut ilinniarnertuunngornissaat ineriartornermut pingaaruteqarpoq

Tassunga tunngatillugu Olav Henriksenip eqqaavaa, atuartut ineqarfiini paarsisut atorfissaqartinneqartaraluartut, ullutsinnili ajoraluartumik atorunnaarsinneqarnikuusut.

- Tassa taama suliallit maqasisarpavut, qanorlu iliuuseqarsinnaanerluta maanna eqqarsaatersuutigisarlugu, taanna oqarpoq.

AAMMA ATUARUK Atuanngitsoortarnerit atuartitsinissamut ajoqutaasartut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat