Elevrådimi ilaasortaq: Atuariartunngitsoortartunut maleruagassat sukannernerusut iluaqutaapput
Nunatsinni ilinniarnertuunngorniarfiit tamakkerlutik ilinniartut atuariartunngitsoortarnerat ajornartorsiuteqarfigaat.
Taamaakkaluartoq Aasianni ilinniarnertuunngorniarfimmi atuartut atuariartunngitsoortartut ikinnerupput ilinniarnertuunngorniarfinnit allaniit 13 procentiugamik - Nuummi Qaqortumilu 18 procentiusut, tamanna Epinionip misissuinerani paasineqarpoq.
AAMMA ATUARUK Ilinniarnertuunngorniarfiit iluatsippat imaluunniit iluatsinngitsoorpat?
Aasiannili sukannersumik malittarisassaqarpoq - elevrådimi ilaasortaq Jens Pele Lundbland Sakæusssen tamanna pillugu aperaarput.
- Malunnartorujussuuvoq soorlu eqqumaffigineqartoq, taavalu tallimanngornerit allortarlugit katersuuttarpugut ilinniartut ataatsimoorluta, anitsiarneq sioqqutilaarlugu naapikaalluta. Tassani atuanngitsoortarnerit eqqaaneqakkajuttorujuusarput taavalu takutinneqarsinnassarlutik klassit sorliit qanoq fraværeqartiginersut, kikkullu fraværikinnerpaajunersut assersuutigalugu. Maani rektorininngaaniit eqqumaffigineqartorujussussoq malunnartarpoq.
AAMMA ATUARUK Amerlanerusut ilinniarnertuunngornissaat ineriartornermut pingaaruteqarpoq
Misissuinerni kisitsisini erserpoq Aasianni ilinniarnertuunngorniarfimmi atuaruartunngitsoortartut ikinnerusut GU-nut allanut naleqqiullugu ikinnerusut, tamanna sumimmita peqquteqarsimava?
- Kaammattoqatigiinneq pingaartinneqartorujuusarpoq soorlu uagut paasigatsigut, imannak oqarfigineqaannanngilagut fraværikinnerpaaniaritsi. Kisianni saqqummiunneqartut takutittaramikkit klasse qanoq fraværeqartigisoq ataatsimut taavalu fraværikinnerpaamik aamma takusaqartarluta. Taava klassitut immitsinnut kaammattoqatigiissinnaasarpugut oqarluta massakkuminngaaniit inortuinata atuanngitsoornata peqatigiilaarta, kaammattoqatigiilluta soorlu fraværi annikinnerpaanngortinniarlugu. Taava tassani kaammattoqatigiinneq pingaartorujussuuvoq klasse iluani, soorlu uagut klassimi aqqaneq-marluuvugut taava immitsinnut attaveqatigiinnissarput ajornanngitsuaraavoq.
AAMMA ATUARUK Atuanngitsoortarnerit atuartitsinissamut ajoqutaasartut