Inuit Pinnguaataanni hattricki – niviarsiaraq Ikerasammeersoq angusarissaaqisoq

Nuummi Timersortarfimmi sapaatip akunnerani matumani Inuit Pinnguaataannik unammisoqarnerani kiaguttoqarlunilu unammisoqarpoq. Nunatsinnit tamarmit timersortartut inuit pinnguaataannik pissartanngorniuutileruttorput.

Randi Zeeb Sigurdsen peqataasut ilaat ajugaajartorluni peqataavoq. Taassuma kneel jumpimi rekordi marlunngormat qaangermagu isiginnaartut nuannapput. Taassuma timersortartorpalaarluni ingerlasimanini nassuiaatigaa.

- Ajunngittumik ingerlavoq, ajunngittorujuuvoq, taanna qungujulluni oqarpoq.

Randi Zeeb Sigurdsen 13-inik ukioqarpoq, taannalu nunatta avannaani nunaqarfimmit Ikerasammeerluni.

Ataasinngornermi ammaanersiornerup kingorna two-foot high kickimik unammivoq, tassanilu qulliit qameriataarput. Tamannali niviarsiaqqap Ikerasammeersup uniffiginagu ajugaaffigaa. Ikerasammi sungiusarluartarnerata unamminissamut nukissaqarlersissimagaa, taanna oqarpoq.

- Assorujuk sungiusartarpugut assigiinngittorpassuit pillugit suut tamarmik assoruuttaannerit pissittaarnerillu teknikkillu ilinniarlugit.

Oqaaseqartittakkat akornanni malugineqartoq

Triple Jumpimi tassa sikutamit sikutamut pissinnermut sungiusaataaqqaarsimasumi unamminermini oqaaseqartittakkat akornanni malugineqarluarpoq. Taakku teknikkianik, timiminik tamarmik atuineranik piffinnerminilu talliminik atuineranik nersualaaripput. Pissinninimi ajugaassutigaa.

Inuusuttuaqqap ajugaanera qaqutigoortuunngilaq. Randimi Arctic Winter Games 2023-mi peqataanermini ukioqatimini tassa arnani 2005-imi kingusinnerusukkulluunniit inuusuni tallimanik ujaminnappoq.

Tassanilu unammissutini two foot high kickimi aamma all aroundimi kuultinnappoq, one foot high kickimi sølvinnappoq kiisalu triple jumimi Alaskan high kickimilu bronzennalluni.

Inuit Pinnguaataannik unamminerit KNR2-kkut malinnaaffigisinnaavatit.