Inuit nunarsuaq tamakkerlugu coronavirusimik tunillatsissimasut 7 millionit sinneraat

Inuit nunarsuaq tamakkerlugu coronavirusimik tunillatsissimasut qaammatit marluk sinnilaarlugit ingerlanerinnaanni 1 millioniniit 7 millionit sinnerpaat.
Inuit nunarsuaq tamakkerlugu 402.709-t coronavirusimik maannamut toqquteqarsimapput. Assi © : Nicolas Asfouri/AFP/Ritzau Scanpix
Allattoq Ritzau
juunip 08-at 2020 07:47
Nutserisoq Mads Lynge

Nunarsuarmi inuit 7 millionit sinnerlugit coronavirusimik maanna tunillanneqarsimapput.

USA-mi ilisimatusarfiup Johns Hopkins Universityp kisitsisaataasa tamanna takutippaa. Tunillanneqarsimasut 7 millionit akornanni 3,1 millionit peqqissisimapput.

USA-mi tunillatsissimasut amerlanerpaapput 1,9 millioniullutik. Brasilia tulliuppoq 692.000-t tunillanneqarsimallutik, Ruslandilu pingajuattut inissisimalluni 467.000-t tunillanneqarsimallutik.

AAMMA ATUARUK Nunarsuaq tamakkerlugu coronavirusimik toqquteqartut 300.000-nit amerlanerulertut

Danmarkimi 12.000-t tunillanneqarsimapput, taakkunannga 10.755-t peqqissisimallutik. Statens Serum Institutip kisitsisaataasa tamanna takutippaa.

Inuit 1 millionit coronavirusimik qaammatit marluk matuma siornatigut, apriilip ulluisa aappaanni tunillanneqarsimapput.

Inuit nunarsuaq tamakkerlugu 402.709-t coronavirusimik maannamut toqquteqarsimapput.

Inuit 589-t coronavirusimik Danmarkimi toqquteqarsimasut Statens Serum Institutip kisitsisaataani takuneqarsinnaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk