Nappaammik taassuminnga toqquteqartut USA-mi amerlanerpaapput, USA-mimi nappaammik taassuminnga toqoqquteqartut 85.000-ingajaammata.Assi: Handout/AFP/Ritzau Scanpix

Nunarsuaq tamakkerlugu coronavirusimik toqquteqartut 300.000-nit amerlanerulertut

Nunarsuaq tamakkerlugu coronavirusimik toqquteqartut sisamanngornermi 300.000-t sinnerpaat. Apriilip ulluisa 25-anni 200.000-nit amerlanerupput.

Nunarsuaq tamakkerlugu coronavirusimik toqquteqartut sisamanngornermi 300.000-t sinnerpaat. USA-mi ilisimatusarfiup Johns Hopkins Universityp nalunaarsugaani tamanna takuneqarsinnaavoq.

Inuit nappaammik Covid-19-imik toqquteqartut sapaatit akunneri pingasut matuma siorna, tassa apriilip ulluisa 25-anni 200.000-nngorput.

Nappaammik taassuminnga toqquteqartut USA-mi amerlanerpaapput, USA-mimi nappaammik taassuminnga toqoqquteqartut 85.000-ingajaammata.

USA-mi inuit 330 millionit missaanniittuni 1,4 millioninit amerlanerusut coronavirusimik tunillanneqarsimapput.

Tuluit Nunaat, Italia, Spania Frankrigilu tulliupput.

AAMMA ATUARUK WHO-p ulapungaarsimanermut qullersaa: Coronavirusip anigornissaa suli ungasippoq

Naalagaaffiit Peqatigiit peqqissuunissaq pillugu suleqatigiiffiata WHO-p oqarnera naapertorlugu coronavirusimik akiuiniartoqarallassaaq.

Coronavirusimik nunarsuarmi nappaalasoqarnerata anigornissaa suli ungaseqisoq, Naalagaaffiit Peqatigiit peqqissuunissaq pillugu suleqatigiiffiata WHO-p upalungaarsimanermut qullersaa, Mike Ryan, sapaatip-akunnerata massuma ingerlanerani oqarpoq.

- Naak nunat amerlasuut ammaqqikkiartuaaraluartut, Covid-19 ataatsimut isigalugu nunani ataasiakkaani, nunarsuup immikkoortuini nunarsuarmilu tamarmi suli ajornartoortitsisinnaavoq, Mike Ryan oqarpoq.

Isummersuutit