VIDEO Inuit Ataqatigiit avinnissaq akerlerigaluarlugu akuerigaat
<p>Inuit Ataqatigiit Qaasuitsup Kommuniani kommunalbestyrelsimi ilaasortaatitaasa kommunip avinnissaa akerleraat. Taamaattorli innuttaasut kissaataat ataqqivaat.</p>
Allattoq Jonas Løvschall-Wedel
oktobarip 08-at 2016 11:31
Inuit Ataqatigiit Qaasuitsut Kommuniata avinnissaa akerlerinikuugaluarpaat. Kommunip angissusaa ajornartorsiutaasorinngilaat, aqutsinerli pitsaasimanngitsoq nassuerutigalugu.
- Ajornartorsiutit ilagilluinnarpaat aqutsineq pitsaasimannginnera. Innuttaasunut ungasippallaarnerujussuaq kingumut qiviarutta takusinnaavarput, Bendt Kristiansen Qaasuitsup Kommuniani IA-p gruppiata siulittaasua oqarpoq.
Taanna isumaqarpoq innuttaasut qaninnerullugit politikkikkut sulisoqarsimasariaqaraluartoq.
Qulaarpaami oqallinnermi Bendt Kristiansenip aqutsineq pillugu oqaatigisai videomi takukkit.
Aamma atuaruk VIDEO Kommunip avinnera Nunatta karsiata akilissanngikkaa
