Inuit 14-it Indiami qarsutsinersuaqarnerani toqusut
Indiap avannamut kangiani siallerujussuarnerata kingunerisaanik taserujussuaq qaffappallaarluni ulersuartitsilermat qarsutsinersuaqalerneratigut inuit minnerpaamik 14-t toqupput inuillu 102-t maqaasineqarput taakkunannga sakkutuut 22-t ilaallutik.
Ippassaq pingasunngornermi Indiap ilaani Lhonakimi tasersuaqarfiusumi sialussuarpoq tamatumalu kinguneraa Teestami kuussuartut ittunik qarsutsinersuaqalermat.
Indiap avannaa tungaani Ganktokimiippoq qoorortarujussuaq 150 kilometerinik isorartussuseqartoq taannalu Kinap killeqarfianiippoq.
Nutaarsiassaqartitsiviup ANI-p videoliaani takuneqarsinnaavoq, qarsutsinersuup kingunerisaanik illorpassuit isamillutik aseruatitertut. Taamatuttaaq sakkutooqarfiit suliffeqarfiillu aserorlutik.
Piffissami kingullermi Asiap kujasissortaasa qaqqarsuini una pisoq ajunaarnersuit ilagiinnarpaat, immikkullu ilisimasallit naapertorlugit silap allanngoriartornerata tamanna kinguneraa.
Indiap nunat sanilii Pakistan aamma Nepal qaammatini kingullerni aamma sakkortuumik eqqorneqarput tamaanimi qarsutsinersuit nunallu sisuneri aamma atuupput, inupassuit inuunerannik naleqartumik.
