Inuiattut ullorsiornitsinni operamik erinarsortoqartoq
Operamik erinarsortartoq Josef Lund Josefsen, operamik erinarsortartutut ukioq manna ukiunik qulinngortorsiorpoq, tassungalu atatillugu, pattagiartartoq Jim Milne, agiartartoqatigiillu peqatigalugit nunatsinni tusarnaartitseqattaassaaq.
AAMMA ATUARUK Kultoori pillugu ambassadøri nutaaq ivertinneqarpoq
Operamik nunatsinni tusarnaartitsisarneq suli takornartaavoq, Josef Lund Josefsenili, operamik erinarsortartut Islandimeersut marluk, Harpa Ósk Björnsdóttir Jara Hilmarsdóttirilu, Nordisk Koncertkorilu ingiortigalugit Hans Egedep Oqaluffiani tusarnaartitsipput:
- Kalaallit Nunatsinnut uteqqilluni tusarnaartitsillunilu nuanneqaaraasiit. Qujanartumik inuit aamma tigulluarmatigut, Josef Lund Josefsen KNR-imut oqarpoq.
Erinnat nuannarineqarluartut "Akunnerit" aamma "Qujavunga" atorneqarput, soorlu aamma erinnat klassiskiusut Brindisi, Giuseppe Verdip operaliaani La Traviatameersoq, kiisalu erinaq Casta Diva, Islandimiunit operartartunit atorneqarpoq.
Pikkunarluinnartumik erinarsortoqarpoq, inuillu aamma attortipput.
AAMMA ATUARUK Ny juleplade bliver revet væk fra hylderne
Heinrich erinarsoqataasoq
Operamik erinarsortartoq Ida Heinrich tusarnaartitseqataasussaagaluarpoq, napparsimaninili pillugu tamakkiisumik peqataasinnaannginnini pillugu aallaqqaammut peqataanani. Pilersaarutilli allanngortinneqarput. Josef Lund Josefsenimi ikinngutini ilaseraa, marluullutillu pikkunavissumik tulleriillutik erinarsoqatigiillutik.
Josef Lund Josefsen ikinngutiminit Ida Heinrichimit taamanikkut kaammattorneqarpoq Reykjavikimi klassiskimik ilinniarfissuarmut qinnuteqaqqullugu. Hans Egedellu Oqaluffiani tusarnaartitsineq misigissutsitsigut taamaammat aamma attortinnartoq taassuma oqaatigaa:
- Misigissutsit assigiinngitsorpassuit qaffakaapput, Josef Lund Josefsen oqarpoq.
Ida Heinrich erinnamut "Ukiap Seqerna Pukkilisoq"-mut aamma erinarsoqataavoq.
AAMMA ATUARUK Josef Lund Josefsen Katuami operamik tusarnaartitsilerpoq
Operamik erinarsortartut tusarnaartitsinerup nalaani attortiinnanngillat, tusarnaariartummi tusarnaartitsineq aamma pikkunanaarpaat.
Josef Lund Josefsen, ukiunik qulinngortorsiornini nangillugu sineriak tamakkingajallugu maanna angalalluni tusarnaartitseqattaassaaq. Pattattartoq Jim Milne ingiallortigalugu tusarnaartitseqattaassalluni.
Josef Lund Josefsen sumi qaqugulu tusarnaartitsissanersoq Facebookikkut quppernerani takuneqarsinnaavoq.
