Josef Lund Josefsen Katuami operamik tusarnaartitsilerpoq
Josef Lund Josefsen 28-nik ukioqartoq, Katuami Hans Lyngep inersuaani operamik aqagu unnukkut arfineq marlunut tusarnaartitsissaaq, taanna ilaquttaminut, ikinngutiminut ilisarisimasaminullu tusarnaartitseqqaalerluni pissangavoq.
Allattoq Oline I. Olsen
- Aallarteqqaarninniit ilinniagarilersimasakka nuannarinerpaasakka toqqarsimavakka, Josef Lund Josefsen erinarsorumaagassani pillugit taama oqarpoq.Taassuma Nuummi tusarnaartitsinissani pingaartippaa.
- Uannut pingaaruteqartorujussuvoq, taamannak ukiut arlallit ilinniartuulluni, siullerpaamillu aatsaat saqqummilerluni, pikkunartorujussuuvoq pissanganarlunilu, Josef Lund Josefsen oqarpoq.