VIDEO Innarluutilik tummeqqakkut paarngorluni majuartariaqartartoq
Nunatsinni inuttut pisinnaatitaaffiit naammassineqarnersut misissorneqaqqammerpoq. Nalunaarusiamilu nutaami innarluutilinnut atugassarititaasut pitsaasuunissaat qulakkeerneqarnissaa innersuussutigineqarpoq. Marita Jensen innarluuteqarpoq ulluinnarnilu ikiorneqarnissaminik pisariaqartitsisarluni.
Allattoq Kenneth Elkjær, Nukaaka Tobiassen
novembarip 17-at 2016 11:50
Inuit pisinnaatitaassiisa Institutiat Inuit Pisinnaatitaaffii pillugit Kalaallit Nunaata Siunnersuisoqatigiivilu peqatigiillutik inuit pisinnaatitaaffiit pillugit nalunaarusiamik saqqummersitsipput.
Aamma atuaruk Inuttut pisinnaatitaaffiit misissorneqartut
Taakku ilaatigut tikkuarpaat FN-imi innarluutillit pillugit isumaqatigiissummik Nunatta naammassinninniarnera killeqartoq.
Tamannalu Marita Jensenip timitalerlugu misigisarpaa. Marita Jensenip innarluutilittut ulluinnarni Nuummi misigisartagai pillugit Qanoruumit apersorneqarnera takuuk:
