Innaallagiaq 25-50 koruunimik akitsorpoq
Nukissiorfiit kallerup inneranut akigititai fem procentimik annertunerulaamik oktobarip aallaqqaataa aallarnerfigalugu qaffanneqarput. Suliffeqarfik maanna taama nalunaaruteqarpoq. Imaappoq inoqutigiit sisamik inuttallit agguaqatigiisillugu qaammammut 25-50 koruuninik kallerup inneranut akiliinerusalissasut, Nukissiorfinni pisortaagallartoq Michael Pedersen oqaluttuarpoq.
- Uulia aggustip aallaqqaataani akitsorpoq, taamaattumik innaallagissanut akigititatsinnut sunniuteqassasoq Naalakkersuisunut innersuupparput. Tassami aningaasartuutitta ilarujussua uuliasinerminngaanneertarpoq, taamaattumillu uulia akitsormat nukissiorneq aamma akisunerulerpoq, Nukissiorfiit pisortarigallagaat, Michael Pedersen, KNR-imut oqarpoq.
Tamanna illoqarfinnut nunaqarfinnullu assigiinngitsumik sunniuteqassaaq. Nukissiorfimmit akit akisunerpaat kilowatt-timemut 3,47 kr.-miilissaaq, akikinnerpaamillu kilowatt-timemut 1,71 kr.-ulissalluni.
- Nunap immikkoortuini assigiinngitsuni akitsuisoqassaaq, ikitsuinnarnilu akit nikisinneqassanatik, Michael Pedersen oqarpoq.
Akitsuineq qaammatit pingasut qaangiuppata, tassa ukiup nikinnerani, pissaaq.
- Uuliamut aningaasartuutivut ataavartumik misissortarpavut. Tamannalu ukiup nikinnerani pisarpoq. Uulia akitsoriartuinnassappat, ukiup nutaap aallartinnerani akitsuisoqassaaq, Nukissiorfiit pisortarigallagaat Michael Pedersen KNR-imut taama oqarpoq.
