Ineqi Kielsenip nunaqarfinni kommunefogedit amerlineqarnissaat siunnersuutigigaa

Nunaqarfinni inoqarnerusuni najugaqartut kommunefogeditut sulerusuttaraluarput, tamakkuli kisimiillutik sulinissartik merseralugu kommunefogedinngorusuttanngitsut Ineqi Kielsen oqarpoq.

- Kommunefogedinissaminnut tunuarsimaniutigisartagaasa annersaraat ajortumik pisoqassappat nunaqarfimmi kiserliorluinnarlutik inissinnissaraluartik kommunefogedinngunnginnermikkut pinngitsoorsinnaagamikkit.

Ineqi Kielsenip nunaqarfiit 100-t sinnerlugit inullit marlunnik kommunefogedeqartalernissaa siunnersuutigaa.

Kalaallit Nunaanni politiit nalunaarusiaat naapertorlugu ullumikkullu nunatsinni kommunefogedit 17-it nunaqarfinni amigaatigineqarput.

Siunnersuullu piviusunngortinneqassappat taakku saniatigut kommunefogedit 30-t atorfinitsinneqassapput taakkuli atorfinitsinneqarnissaannut 2 mio. koruunit sinnerlugit aningaasat atorneqassapput. Aningaasalli taakku suminngaanniit aaneqassanersut Kielsenip nalorninartoqartippaa.

- Qallunaat aningaasanik inatsisaanni aappaagumut isumaqatiginninnialerpata qanoq ililluta aningaasat nassaarisinnaanerlugit  ujartussavarput, Ineq Kielsen oqarpoq.

Aningaasanut inatsimmi 2018-mi eqqartuussisoqarnermut 10 mio. koruunit aningaasaliissutigineqarput.