Indiami sulluliarsuarmi ingerlariaqqissinnaajunnaaqqasut assilineqarneri saqqummiunneqartut
Angutit 41-t, Indiami sulluliarsuit ilaanni sapaatip-akunnera ataaseq ingerlariaqqissinnaajunnaaqqasut pillugit assit marlunngornermi saqqummiunneqarput.
Angutit sulluliarsuit ilaanniitsillutik annaassiniartartunik attaveqartut assini takuneqarsinnaavoq.
- Ajunngilasi? Annaassiniartartoq angutit ingerlariaqqissinnaajunnaaqqasut ilaannut videoliami aperivoq.
- Aap, ajunngilagut, sulluliarsuarmi sulisut ilaat akivoq.
Indiami oqartussat oqarnerat naapertorlugu angutit sulluliarsuarmiittut innaallagissamik, nerisassanik imermik nakorsaatinillu ningitsivigineqarsinnaasimapput, isumannaatsumiillutillu, soorlu aamma sulluliarsuaq silaannarissarneqarsinnaasoq.
Sulluliarsuaq qanoq isilluni ajalusoorsimanersoq Indiami oqartussat ilisimatitsissutiginngilaat, Indiamili nunap immikkoortuani tassani nuna sisoorsinnaasarpoq, nunalu sajukulalluni qarsutsinersuaqakkajullunilu.
