Indiami sulluliarsuarmi ingerlariaqqissinnaajunnaaqqasut nerisassanik ningitsigineqarsinnaasimasut

Inuit 41-t Indiami sulluliarsuit ilaanni ullut arfineq-pingasuni ingerlariaqqissinnaajunnaarsimasut nerisassanik ningitsigineqassasimasut, attaveqaqatigineqarsinnaasimallutillu.

Indiami oqartussat ataasinngornermi taama ilisimatitsipput.

Angutit 41-t illoqarfimmi aqqusinersuit ilaanni sulluliarsuup novembarip ulluisa aqqaneq-aappaanni ajalusoormalli ingerlariaqqissinnaajunnaarput. Isumannaatsumiippulli, qulleqarlunilu silaannarissarsinnaallunilu imermik pilersorneqarsinnaallutik, ruujorillu atorlugit nakorsaatinik aamma pilersorneqarsinnaallutik.

Angutillu taakku nerisassaqarsinnaaqqullugit ruujorimik allamik pilersitsisoqarniarluni.

- Inuit 41-t annaanneqarnissaat pingaartipparput, sulluliarsuit ilaanni ingerlariaqqissinnaajunnaarsimapput. Pisariaqartitaannik ruujori una aqqutigalugu pilersorsinnaavagut, Indiap angallannermut ministeria Nitin Gadkari sapaammi oqarpoq.

Sulluliarsuaq 4,5 kilometeritut isorartutigisoq qanoq ililluni ajalusoorsimanersoq Indiami oqartussat nalunaarutiginngilaat, sumiiffimmili pineqartumi nuna sisoorsinnaasarpoq, nunalu ilaatigut sajussinnaalluni qarsutsinersuaqarajullunilu.